攞腳架去郵輪碼頭

枝 Manfrotto 728b 腳架擺多過用，腳扣特然一拉之下冇情情爆咗，上星期拎咗去觀塘整，去到維修中心見到有位先生黎攞番腳架，居然是同一品牌，同一型號腳架，八卦問一問發現都係同樣爆了腳扣，同樣問題居然發生係同一個型號，上網搜一搜，發現原來有很多人用呢枝腳架都有同樣問題，重以為意大利制造品質會好d，我諗以後買腳架都吾會考慮 Manfrotto 。今個星期去攞番腳架，一個爛鬼腳扣 ＄120，維修費 ＄100，夾埋＄220，如果同時再壞多一個就索性吾整買過枝新好過，因為整番好都吾代表其他腳扣吾會壞。

攞完枝腳架就去附近郵輪碼影下相，先經觀塘道然後轉入勵業街，見到對面已經係郵輪碼頭，諗住好快到，點知原來係要兜一大個圈先到，認真哂時間。

天氣好好，不過影咗一陣就俾老細急 call，要走嘞！跟住去九龍城廣場行一陣就去咗炑八韓烤食飯，另見其他文章，多謝觀賞。